野郎Stone Ya Rou Stone

營業中

休息中

今日突然之間非常之想食牛肉，所以去咗北角匯嘅野朗蒸。本身諗住控制下自己，食清淡少少嘅蒸籠定食，但係最後經店員推介，加上自己把持唔住，都係叫咗石燒牛肉。今次試嘅係美國上級牛小排。牛小排是位於胸腔左右兩側，富大理石紋脂肪，肉質鮮美，油花分佈均勻，質地柔軟，所以適合用熟一點的煮食方法，用石燒煎係其中一個很美味選擇。我驚自己食得唔夠快，牛小排喺石燒版上過熟。好彩店員好細心，另外比隻碟我，我就將啲牛肉放喺隻碟上面，再一片一片咁擺番上去石燒，煮到我滿意先食。加咗$30 ，可以轉個套餐，有沙律，白飯，麵豉湯，同埋嘢飲。我好鍾意呢度嘅白飯，食落去似日本高級珍珠米，用嚟送牛肉味濃，又多汁，脂肪入口即溶嘅牛小排，非常絕配。