甜記餃子 (已搬遷) 新店位置

今日返工太忙，冇係放工前諗定食咩亦冇咩特別野想食，唯有隨心行，行到嚟呢間「甜記餃子」，初初望到個甜字以為係食甜品湯水果類，再望真D原來係食餃子既，見有位就行左入嚟喇。打開個痴立立既餐牌，對於我嚟講唔算多選擇或者應該係話配搭上少選擇，望左一陣，呢間專食餃子，點都想試餃子啦「湯餃子5隻+麵湯底」，佢話係自家制鮮雞湯湯底嚟既，餃子就揀左白菜豬肉餃，另外叫左杯凍豆漿。先嚟杯凍豆漿，等左陣就嚟埋碗麵喇，成碗野白色的，第一口緊係試試佢個湯先啦，真係飲到有淡淡雞味喎，唔油，麵底就普普通通啦，至於主角白菜豬肉餃，好食，明顯自己包而且唔咸，食到白菜爽脆同少少豬肉香。豆漿唔太甜，算係咁（因對杯豆漿冇咩期望）。其實店員可唔可以清潔下個餐牌呀！好烏槽呀！