影片
更多
2014-10-26
1086 瀏覽
是日與朋友一行10人來到尖沙咀聚會食晚飯，由識飲識食的朋友帶路！由於係星期一再加上朋友一早訂左位，所以即使係晚飯黃金時段亦無須等位！坐低傾2句，無耐就有老火湯飲跟住就係頭盤，黎到食中菜，不過唔好以為頭盤就一定燒味拼盤，今餐食既頭盤絕對不是省油的燈！第一味是咸菜胡椒浸花甲，胡椒味恰到好處，有辣味但沒有搶過花甲的鮮味！跟住呢個椒鹽白飯魚真係無得頂，聽小二講，佢地係用新鮮白飯魚整既，所以食落去特別香口！生炒蠔鬆生菜包，蠔鬆加上炸米粉，口感豐富！法式焗元貝，用新鮮元貝焗成，配以西式調味，一款幾有特色的菜式！百花馬友蝦膠煎肉餅，由於有蝦膠成份，所以比一般肉餅更加彈牙，外層煎到金黃色，非常香脆！咬落去，亦食到啖啖鹹香！送飯一流！招牌鴛鴦雞，一邊白切雞一邊蒜香脆皮雞，個人比較喜歡白切果邊，口感婌滑，雞味突出！咕嚕肉 - 甜酸味適中，由於個人好鐘意食咕嚕肉，本來諗住叫個白飯，但係比跟住個2個飯打消左個念頭跟住2個飯，不得不介紹，第一款籠仔荷葉蒸花蚧糯米飯，可能我孤陋寡聞，之前未試過花蟹配糯米飯，所以感覺幾新鮮，花蟹當然啖啖肉啦，溶入左蟹汁既糯米飯，更加係好食到停唔到口！不停添飯是常識吧！第二款臘味煲仔
由於係星期一再加上朋友一早訂左位，所以即使係晚飯黃金時段亦無須等位！
坐低傾2句，無耐就有老火湯飲
跟住就係頭盤，黎到食中菜，不過唔好以為頭盤就一定燒味拼盤，今餐食既頭盤絕對不是省油的燈！第一味是咸菜胡椒浸花甲，胡椒味恰到好處，有辣味但沒有搶過花甲的鮮味！
跟住呢個椒鹽白飯魚真係無得頂，聽小二講，佢地係用新鮮白飯魚整既，所以食落去特別香口！
生炒蠔鬆生菜包，蠔鬆加上炸米粉，口感豐富！
法式焗元貝，用新鮮元貝焗成，配以西式調味，一款幾有特色的菜式！
百花馬友蝦膠煎肉餅，由於有蝦膠成份，所以比一般肉餅更加彈牙，外層煎到金黃色，非常香脆！咬落去，亦食到啖啖鹹香！送飯一流！
招牌鴛鴦雞，一邊白切雞一邊蒜香脆皮雞，個人比較喜歡白切果邊，口感婌滑，雞味突出！
咕嚕肉 - 甜酸味適中，由於個人好鐘意食咕嚕肉，本來諗住叫個白飯，但係比跟住個2個飯打消左個念頭
跟住2個飯，不得不介紹，第一款籠仔荷葉蒸花蚧糯米飯，可能我孤陋寡聞，之前未試過花蟹配糯米飯，所以感覺幾新鮮，花蟹當然啖啖肉啦，溶入左蟹汁既糯米飯，更加係好食到停唔到口！不停添飯是常識吧！
第二款臘味煲仔飯，小二又講臘味都係香港製造，重點介紹當中的臘肉，肥瘦分明，肥膏口感爽口彈牙，有別於一般"淋滋滋"果D！
最後食返個魚湯浸蕃薯苗，為今晚晚餐劃上句號！由於呢餐係朋友係同我慶祝生日，所以唔知張單幾錢XP
題外話/補充資料：
聽朋友講，呢度自攜酒水，不收開瓶費咖，對於愛酒人士應該算是福音吧！
(以上食評乃用戶個人意見 , 並不代表OpenRice之觀點。)
張貼
