Coffeelin Espresso

營業中

休息中

呢日早餐食得比較多，中午唔想食得太豐富，見佢哋主打咖啡及意式三文治／麵包，而價錢都算抵，因為$55已經包括三文治及咖啡，一般咖啡店都要差不多$40／杯，即係加$15便有三文治，在灣仔區算抵。而佢哋門口又有一些泊車錶位，可以一路食一路食住架車。 鮮蝦煙寛條麵，數落好似有6-7隻蝦，中蝦尺寸，芝士味濃郁，有水準。 慢煮牛仔肉配咖哩蛋黃醬三文治，麵包質素唔錯，包面烤得脆身，而中間位置仍然軟熟，唔會太乾，咖哩蛋黃醬又唔會太辣，可以增加食慾。 檸檬餅$20，檸檬味濃，唔會太甜，細細件。 咖啡係佢哋主角之一，所以叫了Latte 及Mocha ，兩款咖啡拉唔同的花，咖啡幾有回甘味，佢哋又會做完一杯先上一杯，令到咖啡唔會太快凍，幾細心。