點點心

營業中

休息中

又係我，夜媽媽去食野😂今日又等同事收工，難得大家第二日放假，仲唔食盡佢咩!!!原本我地想去食甜品既，點知個個都話壓力大，獸性大發要食大餐喎😂所以行行下見到點點心仲開緊門，又見入面都仲有人食，就白撞佐入去啦入到去價錢黎講係咁近柯士甸站同豪宅地段，價錢算合理可接受！普遍酒樓有嘅點心都有得選擇，最起碼我地落單既野食都仲有三個女人獸性真係大發，好似全日無食過野咁，其實最值得推介係脆皮蝦腸，十分有驚喜!腸粉皮好簿好滑，中間有層脆脆包住啲蝦，真係好好食!!仲有炸牛奶，令我諗起台灣街邊小食呢到既炸牛奶大大舊，食落成舊牛奶有啲似椰子味完全唔係炸到溶爛，十分完整入口即溶流沙豬係奶皇流沙，豬豬外表就麻麻地五觀唔夠端正但皮簿一咬流沙已經急不及待爆發!!夜晚食真夠邪惡了黑松露小籠包可以唔洗叫，不正宗皮有點厚完全沒黑松露但係多汁既另外腐皮卷都可以唔洗點，太油了我地要拎啲茶沖完先食，油到接受唔到呢總括而言，如果下次消夜都可以選擇既但要揀野食啦，因為炸野的確相對油膩。客服暫時無之前啲食評講到咁差，可能凌晨時間人流唔多，不過凌晨十二點半last order 可以慢慢坐到一點