CoCo Espresso (已結業)

行完大埔海濱公園，順便到附近的超級城兜下食個下午茶。班尼迪蛋配煙三文魚呢個比想像中健康，竟然用黑麥包，食落唔會好硬。最意外係羽衣甘藍食落好脆仲好似食緊紫菜咁😆，仲有唔少沙律菜，食完冇乜罪惡感。雞扒烤菠蘿配薯條呢個包不過不失，薯條凍咗一樣都脆抹茶紅豆牛角酥窩夫窩夫好脆口，食落比普通窩夫更有層次感。紅豆足料，加埋雪糕，重點係食落唔會太甜，係值得嗌嘅甜品。去得cafe點可以唔叫嘢飲，原來想叫smoothie點知賣曬，最後叫咗Latte同chocolate,朱古力同平時飲開比係較苦，尚可接受。