影片
更多
2023-05-22
279 瀏覽
今日同朋友去荃灣行街，聽朋友講有間麻甩系嘅小店好好味，所以想去試吓。小店充滿懷舊氣息，以滑板同小燈泡作裝飾，好得意。我哋都食咗午餐，其實唔太餓，所以諗住每樣試少少，然後諗住叫一個麻辣炒花甲，一定好滋味，結果係老闆已經賣晒，冇辦法，唯有下次再試。。最終同朋友商量，決定叫幾個小食，品嚐下狂野嘅滋味。狂野炸魚蛋10粒，啱啱出爐，香噴噴熱辣辣，表面輕脆，配上佢嘅辣粉，真係好好味。食狂野辣味停唔到口，追加狂野辣雞鎚三件，點知都係好好味，辣得好過癮，一啲都唔失望。另外，我見到有幾個後生仔企喺鋪出邊食緊麻甩魷魚鬚，好吸引，見人哋食得好開心，於是我又叫咗，又係超級脆口，味道唔鹹唔淡啱啱好，都有少少辣味，好正！金菇肥牛卷係即叫即整，都等咗好一陣，老闆有認真擺位，盒入邊嘅四舊金菇肥牛卷整齊排好，細細舊，一啖一舊，唔使一面咬一面跌落嚟，好貼心，已經係切到細細件。金菇一啲都唔韌，金針菇同肥牛係絕配，配上特有醬汁，正呀！
小店充滿懷舊氣息，以滑板同小燈泡作裝飾，好得意。
我哋都食咗午餐，其實唔太餓，所以諗住每樣試少少，然後諗住叫一個麻辣炒花甲，一定好滋味，結果係老闆已經賣晒，冇辦法，唯有下次再試。。
最終同朋友商量，決定叫幾個小食，品嚐下狂野嘅滋味。
狂野炸魚蛋10粒，啱啱出爐，香噴噴熱辣辣，表面輕脆，配上佢嘅辣粉，真係好好味。
食狂野辣味停唔到口，追加狂野辣雞鎚三件，點知都係好好味，辣得好過癮，一啲都唔失望。
另外，我見到有幾個後生仔企喺鋪出邊食緊麻甩魷魚鬚，好吸引，見人哋食得好開心，於是我又叫咗，又係超級脆口，味道唔鹹唔淡啱啱好，都有少少辣味，好正！
金菇肥牛卷係即叫即整，都等咗好一陣，老闆有認真擺位，盒入邊嘅四舊金菇肥牛卷整齊排好，細細舊，一啖一舊，唔使一面咬一面跌落嚟，好貼心，已經係切到細細件。金菇一啲都唔韌，金針菇同肥牛係絕配，配上特有醬汁，正呀！
張貼
