郭仔記車仔麵 昌運中心

營業中

休息中

專程去大埔墟搵食，本來想食牛腩麵，但見到呢間車仔麵好多人排隊，睇openrice食評唔錯，幾十年老字號，於是改變主意，改食呢間。車仔麵配料有好多選擇，揀咗油麵、牛腩、豆腐卜，配惹味鮑魚湯底。好耐冇食腸粉，所以點咗個腸粉魚蛋。惹味鮑魚湯底真係好惹味，帶有辛辣味道，但我覺得搶咗鮑魚嘅味道，不過都好正。湯底加油麵，簡直係減肥嘅敵人。牛腩大大嚿，炆得都算冧，豆腐卜滲入辛辣湯底，非常惹味。比起車仔麵，腸粉就失色咗少少。腸粉唔夠滑，過於冧，魚蛋都唔夠彈牙，整體上一般。雖然腸粉有啲失色，但唔影響車仔麵，仍然畀讚！