尚上下夏 - 養生雞煲火鍋 (已結業)

今日好想食雞煲火鍋，朋友介紹依間餐廳唔錯，所以決定黎試下😋😋餐廳裝修好本地大排檔feel, 但勝在有冷氣，所以環境、氣氛都啱晒打邊爐🫕一坐低，餐廳一早提供配料係檯面，方便客人自己整啱自己食嘅醬料，唔洗客人行黎行去，好貼心👍🏻打邊爐，當然唔少得清熱氣嘅竹蔗矛根汁。主菜雞煲到啦！雞肉好嫩滑，好入味，最重要係個汁，調到啱啱好。我哋嗌咗小辣，加埋有淡淡的花椒味，真係越食越上癮！我地都叫左個蔬菜籃，啲菜好新鮮，咩菜都有啲，啱晒我依啲有選擇困難症嘅人😆手打蝦滑：蝦滑好彈牙，加上有原隻蝦粒係裡面，增加左個口感！帶子：帶子大大粒，好鮮甜，淥完入口嗰下，帶子肉仲要脆脆地。即炸響鈴：響鈴真係推介啊！炸到好香脆。店員建議我加雞煲汁食，真係好惹味😋依個食法，好食過就咁放落邊爐淥黎食！鬼馬墨魚：即係油炸鬼墨魚滑，店員貼心教話淥墨魚滑嗰邊一分鐘就食得。食落口嗰陣，油炸鬼仲熱熱啲，吸晒啲汁，墨魚滑又好彈口，所以整體感覺好Juicy。