影片
更多
2019-06-18
30 瀏覽
「吞pot」呢個品牌之前同朋友食過， 雞煲惹味好食， 而且打邊爐嘅材料又夠新鮮， 款式又多， 價錢黎講性價比又高， 所以上次同班friend話想打邊爐， 我就介紹咗呢間位於尖沙咀山林道嘅分店。尖沙咀分店嘅地方唔算好大， 不過坐位就非常寬敞， 打邊爐嚟講一啲都唔會侷促。 最吸引嘅地方係有一個特大嘅露台， 可以飽覽尖沙咀嘅市景， 涼涼哋嘅話， 三五知己坐喺出面打下邊爐、飲下酒， 的確幾爽。呢度最出名嘅就梗係重慶麻辣雞煲啦， 唔係太食得辣嘅朋友都唔使太擔心， 因為下至bb辣， 上至大辣， 任君選擇。雞煲嘅份量相當多， 而且雞件亦都好厚肉， 肉質亦非常之嫩滑。 至於味道就夠曬惹味， 花椒夠麻夠香， 而且易食得出有多款香料， 味道又唔會太鹹， 十分之惹味。配菜冬瓜片夠下火， 用冬瓜來打邊爐， 可以吸收曬雞煲嘅精華， 非常之入味。特別推介自創爆之響鈴， 喺脆卜卜嘅響鈴裏面包入咗片裝芝士， 炸完之後外面金香酥脆， 裏面嘅芝士流心， 就算唔用嚟打邊爐當小食咁食， 同樣滋味。特級雪花牛肋片， 色澤通紅， 非常新鮮。 而且肥瘦雪花分佈平均， 牛味又夠濃， 以咁嘅價錢嚟講有一大碟， 相當之抵。炸魚皮攞上枱嘅
尖沙咀分店嘅地方唔算好大， 不過坐位就非常寬敞， 打邊爐嚟講一啲都唔會侷促。 最吸引嘅地方係有一個特大嘅露台， 可以飽覽尖沙咀嘅市景， 涼涼哋嘅話， 三五知己坐喺出面打下邊爐、飲下酒， 的確幾爽。
呢度最出名嘅就梗係重慶麻辣雞煲啦， 唔係太食得辣嘅朋友都唔使太擔心， 因為下至bb辣， 上至大辣， 任君選擇。
雞煲嘅份量相當多， 而且雞件亦都好厚肉， 肉質亦非常之嫩滑。 至於味道就夠曬惹味， 花椒夠麻夠香， 而且易食得出有多款香料， 味道又唔會太鹹， 十分之惹味。
配菜冬瓜片夠下火， 用冬瓜來打邊爐， 可以吸收曬雞煲嘅精華， 非常之入味。
特別推介自創爆之響鈴， 喺脆卜卜嘅響鈴裏面包入咗片裝芝士， 炸完之後外面金香酥脆， 裏面嘅芝士流心， 就算唔用嚟打邊爐當小食咁食， 同樣滋味。
特級雪花牛肋片， 色澤通紅， 非常新鮮。 而且肥瘦雪花分佈平均， 牛味又夠濃， 以咁嘅價錢嚟講有一大碟， 相當之抵。
炸魚皮攞上枱嘅時候仲係熱辣辣， 一咬落口「咔」一聲， 非常之香脆， 浸落湯黎食， 既可以食到脆口， 亦可以食到軟熟嘅感覺，正。
皇帝菜亦非常新鮮， 香味十足， 打邊爐之餘同時要照顧健康， 食番多啲纖維就最適合不過。
總括嚟講， 呢間吞pot打邊爐每次都唔會令人失望， 值得推介。
張貼
