影片
更多
2024-01-25
14 瀏覽
今日約咗人喺黃埔交收，難得黎開黃埔區，梗係去覓下食啦。呢排食咗好多餐清淡嘢，一於搵間邪惡嘢食先。 喺地鐵站出咗冇幾耐（1-2分鐘路程），就到德民街，基本上成條街都係食市咁滯。我揀咗川味香入去坐。蒜蓉原條燒茄子（$38條）：食串燒邊少得條燒茄子。佢有芝士味，或者蒜蓉味揀。我就揀咗蒜蓉味。大量蒜蓉舖左喺開邊茄子上面。茄子燒得夠時間夠透，做到軟林林同好水潤嘅效果。加埋蒜蓉，好香好惹味。薄切牛舌（$25/串）：見佢寫薄切，以為佢得陣風。點知嚟到都幾厚。大概有1cm左右. 細細粒，牛舌冇根. 質感軟熟。食落唔會覺得好油。雞中翼（$36/2串）：佢唔係嗰啲好瘦嘅雞翼。四隻都大大隻。好Juice。欣賞佢唔會落得太重調味，而家仲食到雞嘅鮮味。麻辣田雞串（$28串）：呢個真係估佢唔到。一嚟到原來係原隻上。但係亦都因為佢係原隻上，冇斬開過。田雞仲有好多肉汁。我係第一次食到咁多肉汁嘅田雞。同埋佢嘅田雞都大隻，雞髀啖啖肉。分量十足，冇諗過只係叫咗四樣嘢會覺得咁飽。抵食。
今日約咗人喺黃埔交收，難得黎開黃埔區，梗係去覓下食啦。
呢排食咗好多餐清淡嘢，一於搵間邪惡嘢食先。 喺地鐵站出咗冇幾耐（1-2分鐘路程），就到德民街，基本上成條街都係食市咁滯。我揀咗川味香入去坐。
蒜蓉原條燒茄子（$38條）：食串燒邊少得條燒茄子。佢有芝士味，或者蒜蓉味揀。我就揀咗蒜蓉味。大量蒜蓉舖左喺開邊茄子上面。茄子燒得夠時間夠透，做到軟林林同好水潤嘅效果。加埋蒜蓉，好香好惹味。
薄切牛舌（$25/串）：見佢寫薄切，以為佢得陣風。點知嚟到都幾厚。大概有1cm左右. 細細粒，牛舌冇根. 質感軟熟。食落唔會覺得好油。
雞中翼（$36/2串）：佢唔係嗰啲好瘦嘅雞翼。四隻都大大隻。好Juice。欣賞佢唔會落得太重調味，而家仲食到雞嘅鮮味。
麻辣田雞串（$28串）：呢個真係估佢唔到。一嚟到原來係原隻上。但係亦都因為佢係原隻上，冇斬開過。田雞仲有好多肉汁。我係第一次食到咁多肉汁嘅田雞。同埋佢嘅田雞都大隻，雞髀啖啖肉。
分量十足，冇諗過只係叫咗四樣嘢會覺得咁飽。抵食。
張貼
