烤魚世家雞煲火鍋 (已結業)

最近長沙灣開咗間新餐廳，食烤魚雞煲🤤 睇倒佢哋餐牌價錢唔太貴，一於去試吓🫶🏻沙巴龍躉 x 香辣味🌶️ $368呢度嘅烤魚可以選擇青江魚、江團魚、沙巴龍躉 同埋需要預訂嘅桂花魚，我哋揀咗沙巴龍躉，條魚好厚肉好大條！口味方面，可以選擇香辣味、酸菜味、泡椒味、鮮花椒味、蒜香味、番茄味，仲有唔同嘅辣度選擇，非常多元化，嚟多幾次都唔會冇晒新鮮感🤤講返條魚先，煎到外層魚皮好香口，魚肉鮮嫩，配合埋香辣嘅湯底，非常惹味！湯底內仲有娃娃菜、豆卜、芽菜、紫洋蔥等等。 好豐富👍🏻安格斯牛小排 $238油花非常之靚，肉質嫩滑，安格斯牛味重，份量都唔細👍🏻大大杯龍鳳檸樂 $35呢度仲有大大杯飲品，見到枱枱都order，我都叫返杯龍鳳檸樂，真係好巨杯🍺 龍鳳檸樂，即係青檸+檸檬+可樂，唔係度度都有得飲👍🏻另外仲有嗌咗手拍青瓜、同埋少少蔬菜，全部份量都幾大份，兩個人最後係食唔曬🫣🥹呢度除咗有烤魚火鍋之外，仲有雞煲同埋蟹煲，想叫湯底打邊爐都有，選擇真係好多；另外仲有麻辣小龍蝦、招牌牛蛙煲呢類菜式，鐘意食川菜嘅朋友可以嚟試吓。