東羅 泰館 (已結業)

嚟到裕民坊嘅東羅 泰館，裝修以異國度假風⛱️為主，望住對出嘅平台花園，俾人一種寫意嘅感覺。坐低之後打開餐牌有多款菜式選擇，除咗主打嘅泰國小菜，小食、粉麵都有唔同選擇，仲有二人餐同四人餐㗎！✨街頭虎蝦炒金邊粉金邊粉材料豐富，大大條嘅虎蝦🦐爽口彈牙，仲有最愛嘅金邊粉，通透煙韌，愈食愈開胃！✨芭堤雅烤脆燒雞 (半隻)燒雞外皮色澤金黃，配埋特製泰式醬汁，雞肉滑嫩之餘仲有肉汁。不過要留意返，燒雞係即叫即整，所以都要等一陣呀～✨蒜茸炒通菜通菜炒完之後依然保持嫩葉翠綠🥬 一上菜就聞到蒜蓉香味，爽口味美。✨烤薄餅配紅咖喱汁見到烤薄餅嘅我哋都忍唔住要叫返一份😚 薄餅外脆內軟，配埋咖喱汁，兩個人食啱啱好！✨烤魷魚鬚🦑 魷魚鬚鬆脆可口，容易咬斷唔會太韌，如果有大份啲就好啦🤤✨泰式街頭雪糕🍧  椰子雪糕🍧入口香滑，配搭爽口粟米同腰果，味道天然唔會太甜。