影片
更多
2022-08-24
629 瀏覽
📌 海南少爺📍 尖沙咀海港城海運大廈地下G16號舖☎️ 21103533★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*自從海港城推出優惠券之後，我都成日去果度食嘢，呢日就去咗Ocean Terminal 果邊嘅海南少爺喇。餐廳環境好舒服雅致，有啲運仔嘅話，坐到靠窗座位仲可享海景，對住ICC 景觀開揚寫意。💫星州醬油參巴炒蘿蔔糕（$106）每件形狀四四方方，一口一件好易食。用帶甜嘅黑醬油同參巴醬，加埋蛋蒜銀芽等爆香去炒，蘿蔔糕食落好香口，甜辣味做到夠平衡。口感外脆內軟，食到停唔到口。💫鹹蛋黃魷魚🦑（$106）上枱好夠熱，分量都唔少，每件魷魚都有滿滿嘅鹹蛋黃包住，炸到金黃色，濃濃嘅鹹蛋香撲鼻，外皮脆香，入面嘅魷魚好滑溜彈牙，值得推介。💫滷水花生雞腳（$58）雞腳炆得好淋，滷水汁夠香又好入味。花生口感啱啱好有少少脆口。伴碟嘅咸酸菜亦好爽口！真心好味！💫海南雞飯🐔🍚拼海鮮喇沙（$138）呢個set 嘅🐔🍚可以揀油飯或白飯，拼海鮮喇沙或者肉骨茶都可以。海南雞俾咗雞胸我，食落啖啖肉，雖則係雞胸，但係肉質都好夠鮮嫩，雞皮唔肥好爽口夠滑，蘸埋個必
📍 尖沙咀海港城海運大廈地下G16號舖
☎️ 21103533
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*
自從海港城推出優惠券之後，我都成日去果度食嘢，呢日就去咗Ocean Terminal 果邊嘅海南少爺喇。
餐廳環境好舒服雅致，有啲運仔嘅話，坐到靠窗座位仲可享海景，對住ICC 景觀開揚寫意。
💫星州醬油參巴炒蘿蔔糕（$106）
每件形狀四四方方，一口一件好易食。用帶甜嘅黑醬油同參巴醬，加埋蛋蒜銀芽等爆香去炒，蘿蔔糕食落好香口，甜辣味做到夠平衡。口感外脆內軟，食到停唔到口。
星州醬油參巴炒蘿蔔糕
$106
26 瀏覽
0 讚好
0 留言
💫鹹蛋黃魷魚🦑（$106）
上枱好夠熱，分量都唔少，每件魷魚都有滿滿嘅鹹蛋黃包住，炸到金黃色，濃濃嘅鹹蛋香撲鼻，外皮脆香，入面嘅魷魚好滑溜彈牙，值得推介。
鹹蛋黃魷魚
$106
23 瀏覽
0 讚好
0 留言
💫滷水花生雞腳（$58）
雞腳炆得好淋，滷水汁夠香又好入味。花生口感啱啱好有少少脆口。伴碟嘅咸酸菜亦好爽口！真心好味！
滷水花生雞腳
$58
20 瀏覽
0 讚好
0 留言
💫海南雞飯🐔🍚拼海鮮喇沙（$138）
呢個set 嘅🐔🍚可以揀油飯或白飯，拼海鮮喇沙或者肉骨茶都可以。海南雞俾咗雞胸我，食落啖啖肉，雖則係雞胸，但係肉質都好夠鮮嫩，雞皮唔肥好爽口夠滑，蘸埋個必備嘅三色醬料無得輸。
海南雞飯拼海鮮喇沙
$138
19 瀏覽
0 讚好
0 留言
💡茶芥每位$8，不過啲茶唔係cheap 嘢，係有淡淡嘅荔枝果味，飲咗好多杯😝。去海港城行到攰攰地搵嘢食，呢間係不錯嘅選擇㗎。但佢都長期多人排隊等位，最好預時間拎咗籌先，唔會捱咁耐肚餓丫嘛。
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*
張貼
