影片
更多
2025-04-07
74 瀏覽
同朋友出街到夜晚 係佐敦附近搵食見到呢間泰國嘢價錢都幾實惠就入去試吓呢度嘅侍應都好客 尤其是霞姐嘅熱情款待會主動介紹吓有咩招牌特色嘢食 同埋服務都好周到虎蝦冬陰功 呢度嘅冬陰功湯超正宗 味道濃郁，夠酸夠辣泰式燒魷魚原隻嘅燒魷魚 🦑 燒得啱啱好 表面小小焦脆 裏面就好腍 配埋個酸汁 超正👍菠蘿海鮮炒飯挖空咗成個菠蘿做個器皿 打卡一流菠蘿炒飯嘅份量超多 而且魷魚蝦等等嘅海鮮都超級足料 性價比超高咖喱軟殼蟹麵包呢個係今餐嘅主角 咖喱味道超濃有椰香味唔會食到好漏同好滯 軟殼蟹斬件斬得啱啱好 用手食 或者用刀叉食都唔會食到周圍都係火焰燒春雞呢一味餸又係打卡一流 拍片都超級有效果而且春雞燒得啱啱好 味道亦都調得啱啱好佢仲手套提供 可以徒手搣開啲肉嚟食 不過新鮮燒好就有啲熱 但係啖啖肉真係好有風味蒜蓉椰菜苗椰菜苗就喺其他地方比較難啲食到呢度蒜蓉炒得都好惹味 椰菜苗好鮮個莖亦都唔會好硬就算唔係好鍾意食菜嘅，我都覺得好好食除咗嘢食之外 仲叫咗幾杯泰式特飲有芒果沙冰 同埋珍多冰佢嘅份量同用料超足之外佢嘅味道亦都係啱啱好 唔會太甜，亦都飲到芒果嘅果粒 性價比真係超高原本我哋仲諗住嗌埋甜品，芒果糯米飯試吓但係
同朋友出街到夜晚 係佐敦附近搵食見到呢間泰國嘢價錢都幾實惠就入去試吓
呢度嘅侍應都好客 尤其是霞姐嘅熱情款待
會主動介紹吓有咩招牌特色嘢食 同埋服務都好周到
虎蝦冬陰功
呢度嘅冬陰功湯超正宗 味道濃郁，夠酸夠辣
泰式燒魷魚
原隻嘅燒魷魚 🦑 燒得啱啱好
表面小小焦脆 裏面就好腍 配埋個酸汁 超正👍
菠蘿海鮮炒飯
挖空咗成個菠蘿做個器皿 打卡一流
菠蘿炒飯嘅份量超多 而且魷魚蝦等等嘅海鮮都超級足料 性價比超高
咖喱軟殼蟹麵包
呢個係今餐嘅主角 咖喱味道超濃有椰香味
唔會食到好漏同好滯
軟殼蟹斬件斬得啱啱好 用手食
或者用刀叉食都唔會食到周圍都係
火焰燒春雞
呢一味餸又係打卡一流 拍片都超級有效果
而且春雞燒得啱啱好 味道亦都調得啱啱好
佢仲手套提供 可以徒手搣開啲肉嚟食
不過新鮮燒好就有啲熱 但係啖啖肉真係好有風味
蒜蓉椰菜苗
椰菜苗就喺其他地方比較難啲食到
呢度蒜蓉炒得都好惹味 椰菜苗好鮮個莖亦都唔會好硬
就算唔係好鍾意食菜嘅，我都覺得好好食
除咗嘢食之外 仲叫咗幾杯泰式特飲
有芒果沙冰 同埋珍多冰
佢嘅份量同用料超足之外
佢嘅味道亦都係啱啱好 唔會太甜，
亦都飲到芒果嘅果粒 性價比真係超高
原本我哋仲諗住嗌埋甜品，芒果糯米飯試吓
但係佢性價比太高 呢幾個餸已經食唔晒
不過我見其他好多客人都會喺度叫芒果糯米飯蛋糕慶祝生日
下次有機會嘅話一定會再嚟試吓呢個芒果糯米飯
張貼
