川味香

營業中

休息中

臨睇演唱會前黎左谷心到食串燒，都好易搵～～ 我地叫左將樣串燒。燒雞心唔係到到有，呢到燒到岩岩好，係十分爽口！豬大腸嘅口感有啲彈牙，但係唔會太硬，搭配上佢既香料，惹味得黎又可以中和下豬既肉味！牛舌都好食，燒得剛好，食落十分爽口，又有啖啖肉既感覺。白鱔燒得剛好，口感有啲脆嫩，但唔會太軟爛，食完一件又一件。燒牛仔骨配蒜茸係我好鍾意嘅一道菜，份量又十分多！牛脂嘅油香同蒜香融為一體。牛仔骨燒得剛好，口感有啲脆嫩，但唔會太硬，每一口都可以感受到牛肉嘅鮮美同蒜茸嘅香氣。燒金菇份量十分足，金菇嘅口感鮮嫩，滿滿嘅蒜蓉令整道菜嘅味道非常入味。燒蟶子最有驚喜，蒜蓉海鮮好夾，蟶子就一啲都唔韌！粉絲吸曬d味好好食。呢到最好就係唔食辣都有得簡，而且一樣惹味！