川川辣辣 (已結業)

自己好少去天水圍果邊，因為朋友知道我勁中意食辣，所以住天水圍嘅佢就介紹左我去呢間專食四川菜嘅食店過到去喺門口已經聞到好香麻辣味道，味蕾已經不自覺咁樣湧晒口水出嚟🤪🤪清炒萵筍唔好以為佢係簡簡單單嘅一個炒菜，真係超級好味，個味道超級鮮，亦都感覺到係做到好有誠意嘅一道菜，因為出邊食嘅清炒萵筍真係普通蒜頭炒熟就算，味道比較淡，但係佢哋嘅呢一道菜真係出色，誠意推介川辣辣子雞極度刺激味蕾嘅一道菜，眾所周知辣子雞都係配料多過主角，呢度亦都唔例外，但係我想講個主角都做到好出色，香脆嘅表面配上每一粒熱辣辣嘅雞肉，口感勁有層次，亦都唔算太辣，但係略嫌雞肉細粒得滯，但係份量都唔算少川辣辣子肥腸又係好出色嘅一道菜，味道一樣咁刺激味蕾，真係可以話係麻辣重口味嘅菜式，但係肥腸略嫌厭咗少少，不過入口都好正，呢啲菜式真係送飯勁開胃麻辣小龍蝦小龍蝦份量都算多，呢個價錢真係唔貴，但係小龍蝦肉質可能煮得太耐，比較硬身咗少少，但係味道入口唔差