十二味 (青衣城2)

營業中

休息中

行過青衣城發現新開左間中式餐廳，睇佢門面鮮紅色都估到喺專賣火辣辣的四川菜。禁堂食的關係，打算買幾款小菜返屋企做餸，唔使放工返到屋企仲要慢慢煮，方便又快捷。宜家餐廳做緊優惠，外賣自取仲有九折添，價錢都算合理。🌶川式口水雞雞件肉質都算嫩滑唔鞋口，面頭有花生碎同埋花椒。我揀左少辣，入口充滿椒麻味，咸香惹味，配埋碗白飯送飯食一流！🌶夫妻肺片四川有名的涼菜之一，牛雜既份量都幾多，金錢肚夠爽口，內臟全都清洗乾淨，食落無異味。🌶蔥油拌麵麵條彈牙無煮到過腍，味道不過不失。蔥油唔夠香，如果香啲就更好吃啦。🌶紅糖糍粑最喜歡就是這道菜，糍粑入口軟糯香甜，外脆內軟，令人不禁吃完一件又一件。下次有機會會試埋香辣鍋和酸菜魚。