8鍋臭臭鍋 (謝斐道) (已結業)

今日去到銅鑼灣突然之間想打邊爐，但係因為得兩個人嘅關係，成日覺得一碟碟叫嘅打邊爐價錢都唔平，所以我哋就今次去咗銅鑼灣食台灣食嘅打邊爐一人一鍋，整體來講都幾好食，而且份量真係十足，最後我哋兩個仲要食唔晒添。今次我哋兩個都嗌左小辣，招牌臭臭鍋和台式麻辣鍋，冇諗過兩個嘅小辣味道都十分之惹味，而且都幾辣，材料十分之豐富，兩個鍋入邊都有唔同嘅配料，豬肉口感都唔錯，而且好大片。牛肉都算軟熟，唔會好硬身。金菇入晒味十分之好味，而且每個鍋都有飯或粉絲選擇，我哋每款叫咗一樣大家一齊食。粉絲好入味，但唔會好鹹，味道都幾好，當然入邊仲有其他好豐富嘅配料啦，仲有豆腐鴨血，仲有彈牙丸和入味豬腸。炸花枝丸份量都唔少，而且花枝丸炸得啱啱好，唔會十分之又油而花枝丸口感都幾彈牙。檸檬冬瓜茶，味道有點檸檬味，但係又唔太甜嘅冬瓜茶，最好係冇冰嘅關係，所以飲到原汁原味啱啱好。金桔檸檬梳打，金橘檸檬味道十分之突出，帶點微酸仲有少少梳打嘅口感，味道十分之好味，啱晒食辣嘅火鍋時候飲用。