巴辣仔烤魚雞煲 (加連威老道) (已結業)

前晚，小編好想食雞煲，但又飽飽地唔想食放題。🤣之後決定試下巴辣仔。🍖巴辣雞煲 半隻 $148香氣十足，雞肉啖啖肉，有幾舊仲係非常大件。初時都怕半隻雞唔夠食肉獸嘅我哋食，但原來份量都都唔少。雞肉少辣，啱晒小編口味，配料（洋蔥、辣椒仔）好多，相信可以裝滿一大碗。🥓美國肥牛卷 $98比想像中更多片，卷曲後更顯心思。不過，想打卡就要快，過一陣子就會塌下來。肉質鮮嫩，亦唔會過重肉味。🍜薯粉 $20鍾意食辣嘅朋友必叫，因為完全吸收晒麻辣湯底精華。不過，加多左湯後，薯粉比雞肉更辣。雖然要飲冰水解辣，但係辣得幾過癮。