上海老家 (已結業)

同上海人食飯，食返上海嘢先😂今次揀咗一間喺大角咀嘅上海嘢，如果唔係睇住Google Maps都搵唔到。同埋附近大廈外牆維修，佢掛咗好大塊banner喺嗰度，行過去嘅時候如果細心啲係留意到嘅。我哋嗌咗個二人餐，都幾豐富。醉雞同埋燻魚，我哋揀咗醉雞✊🏻豆腐湯同酸辣湯，我哋揀咗酸辣湯✊🏻松子魚同埋乾燒大蝦我哋揀咗松子魚✊🏻仲有魚肚津白同埋甜品，加埋$288另外仲加咗個小籠包，同埋上海炒年糕。醉雞入味，酸辣湯有驚喜，我第一次飲有肉絲嘅酸辣湯😂松子魚上枱熱辣辣，炸得酥脆，個半碟都睇得出有精心排過。另外魚肚津白都入味嘅。佢贈送嘅甜品係炸湯圓，仲有啲黃豆粉，都幾好食🤤上海年糕，配料豐富，如果再鹹多少少就更加好啦。整體嚟講，都好抵食嘅，如果去開附近可以試吓。