池記 (已結業)

今日約左朋友去最近扶手電梯令人恐慌嘅朗豪坊行街食野，真心上落扶手電梯真係要捉實手柄，唔好成日掛住兩隻手睇電話。原本諗住食泰國野，但因為病左，一直咳唔停，所以想食得清淡一啲，就決定食池記。我叫左豉油王蝦子撈麵，而朋友叫左雲吞牛腩湯麵，另外我地因為要set餐，所以有飲品配小食/油菜或糖水。我叫咗上湯菜心和上湯芥蘭，本來想叫蠔油，但因為唔舒服都係食清清地好，我自己覺得芥蘭好食d。凈桑寄生茶，好似涼茶咁，可以清熱氣。下次可以try下壹桶貴妃雞菜飯，好似幾特別！