影片
更多
2022-07-09
955 瀏覽
今日總共4人，等個22張枱大概45分鐘左右，真心唔算耐， 因為佢地方都幾大。一入到去見到張枱得三張凳，有個部長行過，我就問佢轉頭可唔可以比多張凳我？ 因為我布4個人，點知佢好大聲咁同我講，你坐低先啦，佢話佢都見到冇左張，仲話佢總共有四個步驟，「等你坐低後會再問你幾多位，飲咩茶，之後會俾返張凳你㗎啦，我依家先做到第四個步驟，你就問我攞張凳，我啱啱先幫人落完單」， 咁我唯有講句咁真係唔好意思囉😵💫 每張枱上面有個熱水壺，我發現本身都冇晒水，咁我又唯有跪求阿部長幫我加水，點知佢比番1/4 壺我，洗杯都唔夠😂講返呢度嘅嘢食，點心種類一般啦唔算少，勝在價錢夠平，叫咗釀尖椒，西澳龍蝦上湯伊麵底，呢兩樣係幾較好食嘅， 之後再叫左d 點心，腸粉皮比較厚，鳳爪都ok 好食，燒賣比較鬆散，百花釀魚肚一般， 鹹水角凍嘅 , 流沙奶王包都幾好食。花生篇：見到隔籬枱起身諗住走人，又有個部長行埋去，同嗰張枱嘅人講：「我要執嘢你唔好企起身啦！」食客回佢一句：「咁我而家應該走，定係坐返低？」部長再回：「總之下次你見我執緊嘢，你就唔好企起身啦！」。。。完(我。。。聽左d 咩？）
一入到去見到張枱得三張凳，有個部長行過，我就問佢轉頭可唔可以比多張凳我？ 因為我布4個人，點知佢好大聲咁同我講，你坐低先啦，佢話佢都見到冇左張，仲話佢總共有四個步驟，「等你坐低後會再問你幾多位，飲咩茶，之後會俾返張凳你㗎啦，我依家先做到第四個步驟，你就問我攞張凳，我啱啱先幫人落完單」， 咁我唯有講句咁真係唔好意思囉😵💫 每張枱上面有個熱水壺，我發現本身都冇晒水，咁我又唯有跪求阿部長幫我加水，點知佢比番1/4 壺我，洗杯都唔夠😂
講返呢度嘅嘢食，點心種類一般啦唔算少，勝在價錢夠平，叫咗釀尖椒，西澳龍蝦上湯伊麵底，呢兩樣係幾較好食嘅， 之後再叫左d 點心，腸粉皮比較厚，鳳爪都ok 好食，燒賣比較鬆散，百花釀魚肚一般， 鹹水角凍嘅 , 流沙奶王包都幾好食。
花生篇：
見到隔籬枱起身諗住走人，又有個部長行埋去，同嗰張枱嘅人講：「我要執嘢你唔好企起身啦！」食客回佢一句：「咁我而家應該走，定係坐返低？」部長再回：「總之下次你見我執緊嘢，你就唔好企起身啦！」。。。完
(我。。。聽左d 咩？）
張貼
