十八味私房牛肉麵

營業中

休息中

今日同男朋友突然想食台灣菜，就嚟到紅磡嘅十八味私房牛肉麵。嚟到呢度，當然要試一試佢嘅麵，果然麵條煙煙韌韌，湯底真材實料，牛肋條夠牛味，墨魚丸貢丸大大粒，絕對唔係街市貨。另外我哋仲叫咗一個鹽酥雞乾拌麵，鹽酥雞炸得夠香脆鬆化，雞翼都醃得夠入味，不過麵嘅味道就差啲啦，食入口只係得辣味，冇咗滷肉本身嗰種微微嘅甜味，所以我哋都一致認為嚟呢度嘅話食湯麵會比較好！總括而言，如果嚟開紅磡又想食台灣嘢嘅話絕對可以嚟呢間試吓，比隔離嗰間人氣店讚好台灣好食好多。