影片
更多
2011-03-26
51 瀏覽
睇完今期飲食雜誌以韓國菜為主題，腦海中不停回憶住之前食過咩好味嘅韓國菜，突然諗起之前食過一間韓式冷麵，好想同大家分享一下。土瓜灣附近無大型商場，無娛樂設施，平時大家放假都未必會黎呢頭消費，而偏偏在偉恆昌嘅韓式小食店仁沙洞，就令我覺得值得專登到來開餐。仁沙洞設計裝修平庸，感覺跟韓國本地街坊小食店差唔多，如果唔係有中文餐牌，望住韓國人老闆真係以為去左韓國旅行一樣。韓國餐主菜通常都簡單不花巧，一大煲溝埋自己搞掂，但餐前小吃就係無比精彩，仁沙洞晚市如食得豐富一點的話，泡菜甜薯咸魚仔銀芽等一定夠你食一大碗白飯，不過午市就只有泡菜甜薯，同樣令我食得滿足。泡菜方面辣度唔算強烈，菜身食落酸度一般，味道亦唔似超市買到嘅感覺，估計可能係老闆自家醃製，懂韓文嘅朋友不妨到來求証一下。甜薯香甜好味，咬落鬆鬆軟軟果種感覺，非常討好，送飯更加係人間美味。今次我點選可能未必係大家平時至愛嘅熱湯麵，亦唔係食韓劇入面果堆黑漆漆嘅炸醬麵，而係我至愛嘅辣什錦冷麵($58)。冷麵用一個大銀盤裝盛，侍應同時亦放低兩大支醬料同一把大較剪，先將麵線剪斷，再將醬料攪勻先至食，大大支黃芥辣汁同埋酸醋任你落，出面實屬罕見，而我一向肆酸如命
土瓜灣附近無大型商場，無娛樂設施，平時大家放假都未必會黎呢頭消費，而偏偏在偉恆昌嘅韓式小食店仁沙洞，就令我覺得值得專登到來開餐。仁沙洞設計裝修平庸，感覺跟韓國本地街坊小食店差唔多，如果唔係有中文餐牌，望住韓國人老闆真係以為去左韓國旅行一樣。
韓國餐主菜通常都簡單不花巧，一大煲溝埋自己搞掂，但餐前小吃就係無比精彩，仁沙洞晚市如食得豐富一點的話，泡菜甜薯咸魚仔銀芽等一定夠你食一大碗白飯，不過午市就只有泡菜甜薯，同樣令我食得滿足。泡菜方面辣度唔算強烈，菜身食落酸度一般，味道亦唔似超市買到嘅感覺，估計可能係老闆自家醃製，懂韓文嘅朋友不妨到來求証一下。甜薯香甜好味，咬落鬆鬆軟軟果種感覺，非常討好，送飯更加係人間美味。
今次我點選可能未必係大家平時至愛嘅熱湯麵，亦唔係食韓劇入面果堆黑漆漆嘅炸醬麵，而係我至愛嘅辣什錦冷麵($58)。冷麵用一個大銀盤裝盛，侍應同時亦放低兩大支醬料同一把大較剪，先將麵線剪斷，再將醬料攪勻先至食，大大支黃芥辣汁同埋酸醋任你落，出面實屬罕見，而我一向肆酸如命，當然係混入大量酸醋混入冷麵中，再加少量芥辣汁吊吊味...冷麵配料都算豐富，除左泡菜青瓜外，仲有半隻烚蛋，幾塊叉燒肉同雪梨片，而且加埋少少甜辣醬同之前落嘅醬料，實在相當好味。呢度嘅韓式冷麵似乎屬於平壤式整法，麵條以蕎麥粉製成，口感煙韌有勁，配上多汁清甜嘅雪梨一齊食，口味份外清爽，如果天熱到來食一碗，既滿足又透心涼。
其實好多香港人平時食韓國菜，都只會諗起韓式燒烤，牛肋骨，石頭飯同辛辣麵，有時你唔覺厭我都覺得有啲悶，而怕熱氣嘅女士們更加會係抗拒拎晒頭，所以偶爾食一次韓式冷麵，酸酸地醒下胃，感覺都唔錯架～！執筆後，突然諗起克勤"情非首爾" 歌詞 - "藉意問 明天的你空閒嗎 重遊明洞新村可以嗎...." 咁你又會唔會睇完呢篇食評去偉恆昌新村呢？
張貼
