麥當勞 (百誠大廈)

營業中

休息中

師傅知道麥記最近推出番黑椒漢堡, 呢個係師傅最鍾意麥記嘅其中之一個包, 由於唔係成日有得食, 所以點都要試; 撞埋今晚有d肚餓, 於是就黎左呢度買個宵夜, 頂一頂肚!行到埋櫃台, 當然唔使諗, 師傅即刻柯打左個珍寶黑椒漢堡餐!等左一陣珍寶黑椒漢堡餐就到喇, 先睇下個珍寶黑椒漢堡, 真係好大個喎, 如果師傅個口細d都唔可以一啖咬開個包, 一咬落去熱辣辣香噴噴嘅黑椒汁就溜晒入個口度, 非常好味; 而珍寶黑椒漢堡同普通嘅分別就係多左兩塊漢堡, 真係唔好睇少呢兩塊漢堡, 正正係呢兩塊漢堡, 可以令到咀裡全部都係漢堡, 啖啖都係漢堡, 嗰刻感覺係勁滿足, 冇得頂呀; 而薯條就炸得麻麻地, 唔夠熱又唔夠鬆軟, 仲要幾硬, 師傅一向以來都覺得薯條係麥記最失敗嘅產品!總括黎講珍寶黑椒漢堡嘅質素確實幾好, 價錢都唔平, 廿八蚊個餐, 抵唔抵食就睇你點睇, 但對於鍾意黑椒漢堡嘅食客, 就一定唔可以錯過! 唔知點解師傅就特別對呢個包情有獨鍾, 所以每次推出必定要食, 笑臉當然係比個包啦!