半路咖啡

營業中

休息中

半路咖啡，相信不用我多說，眾所周知嘅黃店cafe☕不過，我都係前陣子先真正試過，真係失敬晒！🙊店內中西合壁嘅氣氛，感覺好Chill！大面鏡牆、乾花、舊式木櫃、褶椅，好有懷舊氣息。我今次係去上環摩羅上街店，第一次嚟，已經被佢古色古香嘅氣氛吸引～！港式民國台燈、木褶凳、復古風扇、牆鏡、米通瓷器……大量70-80年代舊家品呈現眼前，洋溢濃厚嘅老香港情懷，一坐低就有種莫名嘅親切感。我跟朋友分別order咗Rose Latte及Logan Honey Latte~好快地，兩杯Latte就送上餐枱。不得不讚，半路咖啡用嘅杯子真係好有特色！均係採用70-80年代常見到嘅舊式瓷杯，好似紅綠萬壽杯、透光米通杯、青花玲瓏龍芯杯、金漆花卉杯等等，襯埋咖啡，華洋合一嘅造型，真係超吸睛！😍📸不過我飲時都好小心，件件都有3、40年歷史，半古玩，真係驚會打爛🙊玫瑰花味好濃，飲時啖啖花香，幾正！呢杯用嘅咖啡比較Nutty啲，啡體帶堅果香，正中我口味，要加埋幼滑嘅牛奶，整體味道我較滿意。龍眼蜜加奶， 味道比想像中match，且甜度適中，整體水準唔錯。可惜拍攝用咗啲時間，冰融化咗，飲到後期有啲影響口感。