方叔叔重慶老火鍋 (創紀之城五期(apm))

營業中

休息中

平時都有去開呢間觀塘火鍋店打邊爐，貪佢食材夠新鮮、湯底好味、坐得舒服，但平時價錢就貴左少少。咁啱見到佢近排係openrice出左優惠套餐，五百幾蚊二人全包，仲要情人節都適用。即刻訂台訂埋餐試試佢。個餐包2罐野飲、有牛、鵝腸、黃喉、蝦滑呢d唔錯既野食，個菜籃仲要幾大下，又有糖水、甜品。食材照舊新鮮，唔夠仲可以自行散叫加單，佢地做緊全日免收加一。情人節果日真係特別多人，如果冇訂台應該要等一、兩個鐘，但有訂就可以準時入座。果日佢地既服務態度都好好，就算多人等，佢地都冇話趕你食、趕你走。我地二人安坐卡位，食完個套餐，仲加左單，埋單加多二百幾，真心飽飽。抵食。