富記大排檔

營業中

休息中

情人節最鍾意就係食番港式嘢，唔洗同人爭位又唔會特別加價，就算豪氣啲叫多幾個餸都唔會肉赤，慶幸嘅嘢食得開心先最緊要哈哈心情靚食下正嘢，兩個人一嘢叫咗半隻雞，仲有兩三道小菜，冇叫白飯都叫勉強食得曬嘅，但真係飽到第二日都唔想食嘢😆😆新式冬菇亭啲設計搞到好似茶記咁，有時真係覺得冇咗排檔feel不過富記畢竟真係由排檔做起，水準係番到，暫時食過咁多次都好正！尤其一定要食小菜！真係好有鑊氣，價錢冇茶樓咁貴，但鑊氣火喉香味惹味應有盡有。一家人去嘅話基本上走唔甩叫個掓鹽開下胃，叫隻雞鴿類，加多兩三道小菜，一定超滿足。大力推薦！