影片
更多
2019-02-15
577 瀏覽
情人節街裡愛人一對對，就算冰室都變晒情人節套餐，唔想排又唔想俾人劏到一頸血，呢晚放工決定去最愛嘅飯堂開餐 --- 食米線！荃灣係有名嘅米線之城，好多間人氣米線店，呢間就係我哋嘅至愛。舖頭勁細加埋應該唔夠30個位，繁忙時間仲好逼下。但咁多年嚟加價幅度真係相對較低，叫一個餸米線真係30蚊就搞掂，今時今日去連鎖店食淨米線都要呢個價啦！未到7點到場剩返一張卡位，有默契地一坐低就叫得湯米線走青走芽小小辣 豬大腸 豬頸肉湯米線走辣魚皮餃豬肚加多支豆漿share一碗份量超大我真係走埋青芽都食唔晒，米線軟硬度剛剛好，不過留意佢d辣真係唔小野，第一次去千其唔好太逞英雄哈哈哈放眼望去都幾多情侶夫婦，甚至一家幾口過嚟做節，落單到食完走人唔使20分鐘，平靚正又好味，慳返啲時間拍拖行街睇戲仲好！
荃灣係有名嘅米線之城，好多間人氣米線店，呢間就係我哋嘅至愛。舖頭勁細加埋應該唔夠30個位，繁忙時間仲好逼下。但咁多年嚟加價幅度真係相對較低，叫一個餸米線真係30蚊就搞掂，今時今日去連鎖店食淨米線都要呢個價啦！
未到7點到場剩返一張卡位，有默契地一坐低就叫得
湯米線走青走芽小小辣 豬大腸 豬頸肉
湯米線走辣魚皮餃豬肚
加多支豆漿share
一碗份量超大我真係走埋青芽都食唔晒，米線軟硬度剛剛好，不過留意佢d辣真係唔小野，第一次去千其唔好太逞英雄哈哈哈
放眼望去都幾多情侶夫婦，甚至一家幾口過嚟做節，落單到食完走人唔使20分鐘，平靚正又好味，慳返啲時間拍拖行街睇戲仲好！
張貼
