附近有間正合我地意既餐廳：
環境：地道人情味既裝飾，想營造番去咗泰國旅行嘅環境
晚市用手機App落單，有哂實物相慢慢揀唔係好食飯既我地，留肚可以食好多小食！
椰青：嗯….好清甜！ 入面仲加左沙冰！好消暑
前菜：青木瓜沙律有櫻花蝦仔，加埋一齊好香、好食！青木瓜完全冇臭青味，我以往出面食既好易有臭青味！開胃、夠酸辣
泰式辣椒膏炒青口：青口炒得啱啱好！因為青口過熟係會好易好‘鞋’，而呢個炒青口一啲都唔鞋，配埋個辣椒膏甜甜辣辣咁、好惹味，洋蔥同埋紅椒、青椒炒非常之香！好有鑊氣！
蒜蓉包：上菜嘅時候已經聞到蒜味好香！而且睇外表已經見到非常之足料！因為個蒜蓉醬係金黃色！好口咬落去非常之外脆內軟，未食過禁足料嘅蒜蓉包。好正！
雞全翼串燒：雞翼串燒燒得外皮好香、好脆，入面仲有少少肉汁。燒得好好！而且個串燒醬係甜嘅花生醬，同雞翼竟然幾夾
冬陰功湯：睇過湯嘅賣相以為好辣，但飲落去又唔係好辣，有甜有酸、有少少辣，非常之易入口！而且個湯料好足，有魷魚、有青口、有蝦！好飲！
青咖喱雞：咖喱唔算好辣，而且椰奶味十分重！入面好多雞，而且雞煮得好淋…送飯/包一流！
總結：
性價比超高！又平又好食！十分足料！feel到對食物既認真！
如果平時經開呢度，我都會推介三五知己嚟呢度食嘢！
