Cafe Zense

營業中

休息中

雜菌湯味道濃郁，仲食到粒粒雜菌湯，口感滿滿，菌香十足。煙鴨胸雜菜沙律 伴百里香香橙油醋汁誠意十足，煙鴨胸好厚身，口感柔嫩，味道鹹香，配合埋沙律啱啱好。燒澳洲穀飼肉眼扒 伴烤新薯片•西蘭花苗•香蒜燒汁 ($158)叫咗五成熟，生熟成個啱啱好，肉眼扒鬆軟多汁。烤加拿大豬鞍 伴肉桂甜薯蓉 •西蘭花苗 •芥末籽忌廉汁 ($158)肥瘦適中，好香肉味，油潤軟熟，口感爽彈，味道甘香，肉桂甜薯蓉帶來清新口感。海鹽焦糖咖啡 (+$22)Lunch set本身包嘢飲，但如揀其他飲品可享半價優惠。咖啡配以一塊Lotus Biscoff焦糖脆餅，一啖咖啡一啖塊，令整個體驗提升。