Black Sugar Coffee

營業中

休息中

之前去食火夫時經過見到呢間cafe 已經覺得望落好似不錯，環境舒適 以日式風格 木系裝修為主，配合city pop 整體感覺令人好放鬆All Day Breakfast少見all day breakfast 入面竟然無菇同茄汁豆（兩樣我都唔食😂）。多士有驚喜，一貫都係用Sourdough，但唔同嘅係用牛油煎香咗 再加上果醬（唔會太甜 帶微酸 好開胃清新），成件事好match巧巧食！厚切煙肉用咗蜜糖去煎香 食落冇咁油膩，而炒蛋調味出色，其他就正正常常。Deluxe Egg Benedict w/ Salmon roe份量都大份，有兩隻蛋 大量煙三文魚 牛油果 最上面仲有啲三文魚子點綴。一切開蛋黃已經流晒出嚟，一啖食落去，蛋味夠香濃，三文魚就正正常常，三文魚子令整體加番少少鹹香同埋鮮味，整體都不錯。呢間餐廳食物水準不錯 亦都唔會有用餐時間限制，可以嗌一杯咖啡渡過休閒假期。