another hound café

營業中

休息中

點咗個 雞肉菠蘿炒飯，作為午餐，嚟到嘅時候，買相好吸引！第一啖即刻試吓個雞肉，鞋到阿媽都唔認得，醃得好鹹！仲要裏便送咗舊魷魚圈俾我，估計係隔籬枱同一時間點咗海鮮菠蘿炒飯，啲料唔覺意跌咗落我度，不過個魷魚圈淡而無味！但食落啲飯就好好味，炒得啱啱好，仲有鮮菠蘿！正！如果可以揀走肉，我一定會揀菠蘿素肉飯！不過可惜冇得揀，只可以撩走啲雞肉，食其他材料同個飯！值得一讚，signature嘅凍檸茶，好好飲，除咗本身檸檬同茶嘅味道，仲隱約有一陣香味，不過我講唔出係咩味道！呢度地方闊落，都坐得好舒服！