No Milkshake No Life (山道) (已結業)

呢間邪惡三文治聽就聽得多，今日終於有機會嚟朝聖，店內裝修簡單，散發一種懶散悠閒嘅感覺，好似台灣嘅Cafe店，令到我霎時變得懶洋洋，可惜唔記得影店內裝飾。痴線芝士黐住麻辣雞治 $92 點解可以咁邪惡，啲芝士好似噴泉咁忍唔住流出黎，啲雞肉有少少辣味，配搭埋芝士簡直口感一流。黑色嘅麵包皮，有啲難消化，會係翌日從身體排放出嚟（唔知大家估唔估到我想講咩🤣）。難得一黎，忍唔住想點多個爆試吓，因為睇相真係好吸引，Sorry 我唔得呢個叫咩名堂，睇相就好靚，食落就唔係話太特別。都係芝士治出色啲。