Green Waffle Diner (嘉咸街) (已搬遷) 新店位置

今日老闆出左去，所以偷偷地早出去食lunch，有時間去間多人排隊ｇｅ餐廳行左大大條斜路先去到，Ｄ人排到出樓梯口，好彩最後只係等左１５分鐘。終於入座，今次坐近窗口位，雖然餐廳唔大但都幾好坐。牆邊裝飾好立體又有大自然氣息。我揀左Ｃ餐，通常賓尼迪蛋都係食BRUNCH果陣會食到，我未遇過係set lunch度出現，覺得新奇就試下啦。來到之後果然冇失望，兩大隻賓尼迪蛋，一吉開就好多蛋黃流出嚟，一路食一路以為今日放假，瞓到自然醒出嚟食brunch咁。 至於薯粒，食落感覺同普通炸薯條差唔多，只係變咗粒狀，冇乜特別。整體來講成個餐味道唔錯，但係稍為乾身少少如果有啲汁可以撈下個薯粒就會好好多。另外睇落細細份， 其實食落好飽，捱到放工都唔會餓。而且來呢度有種去cafe hea嘅感覺。但要加一服務費，如果午餐價錢再實惠少少就更好喇。