影片
更多
2015-05-28
2379 瀏覽
是日星期五, 下午不用開工, 打算吃過悠閒午餐, 去那兒好呢? 九龍城食個飯都麻煩過人, 咁多選擇真係搞到我這類有選擇困難症的人 ......肚就得一個, 樣樣都想食, 真煩!!! 既然承接前幾篇食評近來編寫的"OK篇"是龍城食記, 當然要介紹多些, 方便讓區外人作參考, 話說上次閒日放假去了羊鞍, 接近一點九都尚坐滿, 嘈到拆天又坐得迫, 始終價錢有關, 五十餘元一個set lunch預了差不多是如此這般的了. 如果想坐得舒服, 去太子道黑糖台式店會靜局些, 食物質素唔錯, 食完亦不趕你走兼且價錢無敵四十元有找; 但如果都是想吃西餐的話, 侯王道新開的Highfive窗明几净招呼好但價錢又拉高一些要付出大概一百元上下; 想平番少少呢...大可以去這間在衙前塱道的西餐廳, 舒舒服服食個餐六十八元起, Let's Go, go go go~今日我加了廿元喝蟹肉龍蝦濃湯, 幾好, 味濃且有少許碎龍蝦及蟹肉, 加錢也值得! 跟餐的包微暖幾香, 好味! 炭燒美國豬扒, $68, 一客兩件, 跟餐我選了薯蓉, 豬扒幾好味, 賣相本來不俗但可惜的是我估它的Grill 爐未洗淨, 所以有
今日我加了廿元喝蟹肉龍蝦濃湯, 幾好, 味濃且有少許碎龍蝦及蟹肉, 加錢也值得! 跟餐的包微暖幾香, 好味!
炭燒美國豬扒, $68, 一客兩件, 跟餐我選了薯蓉, 豬扒幾好味, 賣相本來不俗但可惜的是我估它的Grill 爐未洗淨, 所以有少許'鑊撈'沾在豬扒面, 雖然可以接受, 甚至乎有些客以為這樣是正常, 但我介意吃鑊s , 所以要掀走那點點焦s才吃, 對身體不好的東西日積月累大家也要留意不要放入口, 所以這處有扣了分.
跟餐檸茶都算大大杯而且茶底幾好味
這店是賣蠔的, 枱面紙有詳細介紹, 不過我未在這裡吃過蠔, 無評論
總括而言, 地點方便, 坐位舒服, 客路斯文, 餐廳雖坐滿八九成人但都不嘈吵, 都算很難得! 侍應招呼方面, 戴眼鏡的叔叔態度親切些, 其他兩位不會好殷勤但都無要理不理的, 算OK, 而且食完飯亦無hard sell 甜品, 任大家坐吓傾吓添吓水; 這裡週一至五免加一, 如果今餐我沒upgrade餐湯, 這份lunch只需$68元, 仲唔OK?
張貼
