整日反工經過，都係匆匆而過。今日特登與朋友仔下午茶時間過黎試下先。
間鋪仔細望落其實唔算大，但因為周圍都係鏡。所以視覺效果下都感覺唔細。
而且有兩邊都有落地窗。光線都好好。
西餐固定擺盤。
下午茶menu.有粉麵、薄餅、三文治與窩夫……
價錢都唔算貴。
店家仲好貼心咁有埋免費2小時WiFi服務
朋友仔叫左一個肉醬意粉，我Order左一個煙肉忌廉汁闊條麵。雖然我地叫既係茶餐，但個份量好似午市咁。兩碟麵食味道與賣相都ok.唯一問題就係麵煮得唔夠淋，所以偏硬。
小食:黑椒蜜糖雞翼。無咩黑椒味。但有少少辣椒粉。面頭個蜜糖烤得香脆，唔會太干身，側邊仲有薯仔沙律。整體ok.
飲品:雜果賓治。可能得橙汁與西柚，酸酸甜甜。
