北京老家 (已結業)

今朝陪媽媽睇完醫生，就行去附近搵D好野，3母女食餐飯😂 我細妹就極力推薦呢間～北京老家上到去真係令我好驚訝，首先大門好似有2個門神咁，好莊嚴，入到去就選左一張4人檯，檯中間玻璃下有個青花盤，原來入面養左幾條金魚🐠🐟活生生的。呢度既檯櫈都十足電影內古時的竹藤傢具簡直令我好似置身於「倩女幽魂」一劇當中講返正題先，我地3人叫左3個午餐，相當抵食，叫左薺菜炒年糕，套餐仲有3粒韮菜水餃（$52）、紅油抄手和小籠包，套餐內今天包埋豬皮凍（$52）而3款套餐都有番茄蛋花湯一個，由於今天係星期六關係，每人要額外另加$12茶錢，而呢度全日都免加一的味道方面真係，小籠包熱辣辣，肉汁多，皮都算薄、紅油抄手夠🌶特別在係用甜豉油，令到🌶中帶甜👍🏻、薺菜炒年糕中有少少肉絲，令到味道無咁齋😍，每樣都做得非常精美呢餐食到飽飽都係$192埋單，我細妹真係無介紹錯