Bubbles & Wines

營業中

休息中

一個星期五嘅夜晚即興黎左赤柱，諗起呢間之前偶爾經過嘅餐廳。入去條路有啲難搵，要喺市集一條巷仔轉入黎，我地都兜左一輪先搵到🤣平日夜晚嘅赤柱好靜，見其他食客都係住附近嘅街坊，不過呢度環境真係好chill，好似去左歐洲咁！小店老闆係西班牙人，鋪頭顧名思義，飲野為主，野食主要係送酒嘅。Veggie dip with crystal bread+ ham個veggie dip同出面食到 嘅唔同，我覺得有啲蕃茄味，好開胃。夾埋啲ham食層次又唔同左。Smoked salmon+ cream cheese肥美嘅煙三文魚，同cream cheese真係絕配。份量比想像中大份，waiter仲主動上多碟包，送酒食一流！野飲我地揀左sparkling wine, 小小甜，呢個天氣飲啱哂。Pork meatball飲幾杯加埋前面啲野食已經半飽，最後食埋個肉丸。同平時意式肉丸有啲唔同，我覺得味道無咁濃同埋口感紥實啲。另外一提：我地今次坐左戶外位，黃昏時段真係比較多蚊！好彩waiter好貼心比左枝蚊怕水我地，如果唔係應該咬到成腳都係。