The Point Kitchen (奧海城二期) (已結業)

放假唔想四圍去 近近哋就去奧海城食個lunch🍽️想坐得舒服啲嘅 The Point Kitchen就係一個好選擇 裝修感覺偏向温馨優雅 而且夠寬敞Lunch有set 亦都可以選擇單點✅ꕥ 烏魚子海鮮肉醬意大利貓耳朵麵好鐘意食貓耳朵麵❤️粒狀嘅粉容易食又有嚼口 汁醬係龍蝦汁 好鮮味 入面仲有一粒粒蝦肉同貝肉 ꕥ 夏威夷烤雞披薩主材料係烤雞肉🐔雖然烤過但肉質都嫩 同菠蘿都幾夾 加埋蕃茄醬 酸酸地甜甜地 味道都好融合其他配料甜椒/紅洋蔥/芫荽等 令成個Pizza望落好色彩繽紛🌈ꕥ 鹹蛋黃脆炸雞翼雞翼超大隻😆外層幾脆 食落滲出淡淡鹹蛋黃味 仲有個蛋黃醬 加咗墨西哥辣椒 少少辣辣地夠惹味🌶️飲品有好多款選擇 Cocktail/Mocktail/Juice/Tea/Coffee等等 我就飲返杯咖啡醒神吓☕️caramel latte味道啱啱好 唔會太甜 朋友就叫咗杯mocktail Sparkle Fizz 水果口味都幾清新🍹