柏景餐廳 (已結業)

好耐冇黎食過下午茶自助餐，見到而家疫情有好轉，所以特登book咗星期六去柏景餐廳食悠然下午茶，當打電話去訂枱嘅時候，職員通知我哋悠然下午茶係一個tea set，而唔係自助餐。原來佢哋冇做Tea buffet好耐啦。反正未試過，又想試吓，所以就book咗3點15分兩位high tea.. openrice 訂座仲有八折優惠添，真係好抵。星期六日收費係$298兩位用，嘢食都會比星期一至五多，有6款鹹點7款甜品，但價錢亦貴左30蚊。當日去到，見到職員拎住一塊雲石版，上面放滿晒食物，仲有個彩虹棉花糖蛋糕，真係好靚。整體來講食物同環境都唔錯，但真係好希望佢哋可以開返自助餐。