影片
更多
2021-06-03
1501 瀏覽
今次係因為有商場coupon所以去咗試呢間想試好耐嘅日本過江龍餐廳！一入到去見到裝修好靚，暗暗地幾有feel，好有日本嘅感覺，可惜枱同枱之間嘅間隔比較細，冇乜私隱，以呢個價位來講，應該可以坐得寬鬆闊落一啲。入番正題，我地兩個人就嗌左兩個牛嘅定食，雖然呢間餐廳係出名食西京燒，但係見到西京燒嘅評價比較參差，所以我哋決定試吓啲和牛！呢個和牛壽喜燒嘅賣相唔錯，亦都有店員同我講解食法，食落就普普通通，比起其他壽喜燒專門店，佢嘅肉唔夠肉味，亦都冇入口即溶嘅油香。吉列牛都係比較普通，好似同平時出面食二百蚊左右嘅吉列牛差不多，性價比都有啲低。其中有個小插曲，就係隔離枱嘅客人對於餐牌有少少疑問，雖然唔係好聽得清楚客人問啲咩，但只係聽到店員好唔耐煩咁答：魚嚟㗎呢個。自己就覺得餐廳服務有待改善，如果唔係就對唔住日本過江龍之名了。整體嚟講食物質素過得去，正正常常，但係埋單差唔多$900，用左coupon都要$5xx，性價比實在有啲低，如果大家想試可以試下午餐先～
一入到去見到裝修好靚，暗暗地幾有feel，好有日本嘅感覺，可惜枱同枱之間嘅間隔比較細，冇乜私隱，以呢個價位來講，應該可以坐得寬鬆闊落一啲。
入番正題，我地兩個人就嗌左兩個牛嘅定食，雖然呢間餐廳係出名食西京燒，但係見到西京燒嘅評價比較參差，所以我哋決定試吓啲和牛！
A4和牛壽喜燒定食
$358
46 瀏覽
0 讚好
0 留言
呢個和牛壽喜燒嘅賣相唔錯，亦都有店員同我講解食法，食落就普普通通，比起其他壽喜燒專門店，佢嘅肉唔夠肉味，亦都冇入口即溶嘅油香。
吉列A4和牛定食
$368
29 瀏覽
0 讚好
0 留言
吉列牛都係比較普通，好似同平時出面食二百蚊左右嘅吉列牛差不多，性價比都有啲低。
其中有個小插曲，就係隔離枱嘅客人對於餐牌有少少疑問，雖然唔係好聽得清楚客人問啲咩，但只係聽到店員好唔耐煩咁答：魚嚟㗎呢個。自己就覺得餐廳服務有待改善，如果唔係就對唔住日本過江龍之名了。
整體嚟講食物質素過得去，正正常常，但係埋單差唔多$900，用左coupon都要$5xx，性價比實在有啲低，如果大家想試可以試下午餐先～
張貼
