大瀛喜日本料理 (已結業)

今日中午我黎到位於旺角嘅大瀛喜日本料理食飯，依間放題係旺角都幾有名架，亦都算抵食。壽司方面，我就叫咗蟹柳壽司，壽司飯唔會一拎起就散，味道正常。燒物方面，我就叫咗菠蘿同雞軟骨，菠蘿入口好清甜，岩曬用黎解膩。雞軟骨就唔算太多脂肪，所以都唔會覺得好油膩。除此之外，我仲叫咗燒乳鴿，乳鴿外皮香脆，唔會燒得太老，肉質亦都好嫩滑。甜品方面，佢地有雪糕機俾人任裝雪糕，雪糕入口有香濃嘅牛奶香，亦都唔會太甜。整體黎講，各種食物嘅質素夠平均，我今餐都食得好滿足。