神戶屋日韓放題

營業中

休息中

上星期同朋友嚟到旺角嘅神戶屋食午市放題，食物種類好多好豐富呀，有最大路嘅刺身選擇：三文魚、油金魚、帶子、蟹棒、甜蝦、玻璃蝦等等。除咗刺身，熟食亦好豐富，我哋叫咗個牛肉壽喜燒，麻油味非常重。如果朋友仔唔食生嘢刺身類嘅，仲可以將刺身放落去打邊爐添！除此之外，我哋仲叫咗好多炸物：炸雞翼、炸蟹棒、炸春卷、椒鹽豆腐等等，真係食到我哋飽到嘔。佢每份食物嘅份量都唔少㗎，如果大家眼闊肚窄嘅話，記得要量力而為，一次唔好叫太多啊。最後作為一個放題嘅終結，梗係要食返啲甜品啦，我哋就揀咗芒果味嘅雪條，大細都比我想像中大呢。總結而言，呢間放題嘅食物水準係水平之上，食物選擇亦幾多，如果午餐想平平哋同朋友食餐豐富嘅都不妨嚟到旺角嘅呢間神戶屋呀，埋單都只係每人二百幾，幾抵呀