LAB10 (已結業)

呢間主打無煙嘅75分鐘韓燒最近做緊抗疫午巿放題，238兩個人連加一，包無限refill 芝士薯條同所有肉類，都幾抵因為book咗嘅關係，去到雖然有啲人排隊，不過我哋就唔使等位直接入去坐嘢飲我哋兩個人叫咗熱情果梳打同蘋果梳打，唔會話好甜啲肉好快就嚟度，擺盤唔錯，個韓式梨汁牛五花切得好薄好入味，不過燒起上嚟有啲難燒。其他肉類例如厚切牛舌，醬燒豬柳，甜辣雞翼，青檸燒雞扒，韓式五花腩，胡椒秘製豬頸肉同秘製豬肋骨都醃得好入味，燒起上嚟好香另外本身我哋一坐低嘅時候店員就話芝士薯條賣晒，但食到一半嘅時候佢又俾返我哋，而且個薯條係好脆，個芝士溶咗之後配薯條係勁match勁好味，都算係呢餐嘅重點之一嘢食嚟講可以翻食