金蜜豐泰國餐廰

每隔一兩個月就會上瑞和街街市食金蜜豐！次次都叫灼螄蛤，泰式生蝦，咖喱青口/軟殼蟹，蒜蓉包，多數飲龍眼冰同泰式奶茶。灼螄蛤同泰式生蝦次次都新鮮，生蝦一碟有6隻抵食。咖喱汁夠多夠濃味，點脆脆蒜蓉包一流，青口大大隻好新鮮彈牙。通常兩個人食都係$300左右，我諗搵勻全觀塘都冇咁平嘅泰菜。而且待應服務好好，好快手，全店都係泰國人，待應都識聽廣東話嘅。衛生方面，始終係位於街市，環境一定唔屬於最乾淨，但餐廳入面係乾淨嘅，仲會提供滾水陸乾淨碗筷。