甜沁園

營業中

休息中

太子新開小店，主打外賣甜品、小食。所有嘢都係勁足料勁大份☺️。🔸香芒楊枝甘露$40激多生果好足料，堆到勁高嘅芒果同沙田柚。酸甜清爽好啱夏天食。🔸芋泥丸子撈$38海量嘅芋泥綿滑香甜。除咗有團子仲有珍珠，煙韌控必食。🔸仙草豆花$28豆花有濃濃豆香，仲非常之滑。同彈彈口感嘅仙草一齊食感覺好特別。🔸蒜香雞軟骨$32爽脆香口，估唔到底下有唔少炸蒜，出奇地有大牌檔風味。🔸椒鹽魷魚鬚$38口味係經典酒樓魷魚鬚！我鐘意佢炸粉好薄，新鮮炸起勁香口。最估唔到塞車搞到放到凍咗，食落都係脆。