影片
更多
2023-09-15
45 瀏覽
同朋友嚟深水埗買嘢，順便搵下附近有咩好食。上網見有人介紹營盤街呢間「越湯」，據說餐廳主打親民價越式料理，性價比極高，一於過去試下。餐廳門面好搶眼，以天藍色為主調，內在環境舒適，清新優雅，配襯牆上嘅單車裝飾，佈置充滿越南風情。我哋叫咗碗越湯招牌火車頭日本A5和牛湯粉 ($68)、兩個拼盤 同 幾款小食。碗湯粉用料好豐富，有日本生和牛牛肉、手打牛丸、牛筋、牛柏葉同牛𦟌。湯底非常鮮甜，散發著濃香牛肉味。牛肉口感柔嫩、肉香突出；牛柏葉爽口彈牙，而牛丸更係一咬爆汁，正。另外呢客越式小食拼盤 ($138) 亦好值得推介，超級大堆頭，內有米紙春卷、蝦餅、扎肉、雞翼同豬頸肉。全部小食都係新鮮即製，熱辣辣，香口又唔油膩。至於客串燒拼盤 ($54) 就有順化豬肉卷x2、豬頸肉同雞肉串各一。豬肉卷咸香惹味、豬頸肉爽滑彈牙，而雞肉串亦香氣撲鼻，絕對係餐前小食嘅不二之選。另外仲點咗蔗蝦 ($38)、味醂魚乾 ($38)、馬拉盞唐生菜 ($22)。蔗蝦蝦肉彈牙又新鮮，甘蔗都好甜。魚乾很有嚼勁；唐生菜清爽嫩綠，配上馬拉盞，生色不少。凍蜂蜜柚子梳打 ($28) 味道好 fresh，甜中帶酸，幾啱女仔口味。
同朋友嚟深水埗買嘢，順便搵下附近有咩好食。上網見有人介紹營盤街呢間「越湯」，據說餐廳主打親民價越式料理，性價比極高，一於過去試下。
餐廳門面好搶眼，以天藍色為主調，內在環境舒適，清新優雅，配襯牆上嘅單車裝飾，佈置充滿越南風情。
我哋叫咗碗越湯招牌火車頭日本A5和牛湯粉 ($68)、兩個拼盤 同 幾款小食。
碗湯粉用料好豐富，有日本生和牛牛肉、手打牛丸、牛筋、牛柏葉同牛𦟌。湯底非常鮮甜，散發著濃香牛肉味。牛肉口感柔嫩、肉香突出；牛柏葉爽口彈牙，而牛丸更係一咬爆汁，正。
另外呢客越式小食拼盤 ($138) 亦好值得推介，超級大堆頭，內有米紙春卷、蝦餅、扎肉、雞翼同豬頸肉。全部小食都係新鮮即製，熱辣辣，香口又唔油膩。
至於客串燒拼盤 ($54) 就有順化豬肉卷x2、豬頸肉同雞肉串各一。豬肉卷咸香惹味、豬頸肉爽滑彈牙，而雞肉串亦香氣撲鼻，絕對係餐前小食嘅不二之選。
另外仲點咗蔗蝦 ($38)、味醂魚乾 ($38)、馬拉盞唐生菜 ($22)。蔗蝦蝦肉彈牙又新鮮，甘蔗都好甜。魚乾很有嚼勁；唐生菜清爽嫩綠，配上馬拉盞，生色不少。
凍蜂蜜柚子梳打 ($28) 味道好 fresh，甜中帶酸，幾啱女仔口味。
張貼
