喜來稀肉 (瓊華中心) (已結業)

又來到搵嘢食嘅時間啦，就去咗質素有保證價錢又大眾化嘅喜來稀肉，位於旺角瓊華中心7樓，地點方便，上到去裝修都唔錯，私隱度高，😉呢間醬汁同埋前菜係open area自己攞，梗係攞返最想食嘅泡菜，佢哋泡菜都有兩款，我哋就鍾意喜來泡菜多啲。今次就嗌咗高質小小嘅真雪花牛肉，牛肉雪花分布均勻，點埋佢哋醬汁，味道一流。另外嗌咗個韓豚五花肉，燒好點埋啲韓式辣醬，再用生菜包住食，減輕油膩😊 另外嗌咗個蟹籽紫菜飯團，飯團自己撈埋，裏邊有大量紫菜同埋蟹籽，食落口感一流。最後當然唔少得無限添加嘅芝士蛋，今次都食咗2 round🥳🥳